فؤائد الــــغــش

على طاري الغش اذكر يوم كنت بالثانوي كان فيه عرض من بيبسي اللي يجمع على ما اضن 500 يعطونه تلفزيون صغير

المهم كان وقت اختبارات وكان عبدالله ولد عمي عبدالرحمن مجمع حوالي الـ450 طباقه وانا ماجمعت الا 80

وكنا مره بلجنة اختبار وكان هو وراي واذكر اني داخل بمسجل صغير للأختبار ورابطه بشطرطون بفخذي وماد السماعه لأذني نضراً لان الماده نصوص

وعبدالله بس ينغزني ويقولي علمن علمن تكفى تراي ماحفظت ولا نص

التفت عليه وقلت بعلمك بس بشرط قال امر باللي تبي قلت تفطرني وتعطيني طبايق البيبسي

قال ميخالف بس علمني قلت وش يضمن لي عطني بوكك
ويجي يعطين اياه من تحت الكرسي وعلمته الاجابات ويوم طلعنا افطرت وعطان الطبايق ورجعت له بوكه واكملت عدد 500 طباقه وزاد معي 30 وعطيتهن اياه
ويوم صار من بكرا دخل هو ومعه براشيم طبعا لانه دوره يغششن
قلت له علمن قال لااااا تعطين الطبايق ولا لااا قلت اقول تبي تعلمن ولا فضحتك انت وبراشيم
ويجي يعلمني ولاكنه اتهمني فيما بعد اني نذل ههههههههههههههههههه

ولكن اخذت التلفزيون الصغير ويافرحه ماتمت حاطه بمزرعتنا ويجي يسافر العامل ويظفه والمشكله خروج نهائي
ولكنه قهررررررررررررررني واستانس عبدالله انواع التشمت